វិធីធ្វើអោយ iPhone ជាប់កូដ ដើរលើ iOS 7 អាចឆែកទឹកប្រាក់តាម USSD បាន

វិធីធ្វើអោយ iPhone ជាប់កូដ ដើរលើ iOS 7 អាចឆែកទឹកប្រាក់តាម USSD បាន

លោកអ្នក ដែលប្រើ iPhone ជាប់កូដ និងប្រើទ្រនាប់សីុម ហើយដំឡើងទៅកាន់ iOS 7 ប្រាកដ ជាជួបបញ្ហា មិនអាច ឆែកទឹកប្រាក់ តាមការវាយកូដ USSD ដែលផ្តើម ដោយ * ឬ # បាននោះទេ។ ដើម្បីដោះស្រាយបញ្ហានេះ យើងសូមណែនាំ វិធីមួយ ដោយប្រើកម្មវិធី Commcenter patch for iOS 7 ពី Cydia។

តំរូវការជាមូលដ្ឋាន:
- iPhone ដែលដើរលើ iOS 7 ហើយ Jailbreak រួចហើយ
- កម្មវិធី​ iFile ដំឡើងបានពី Cydia
- កម្មវិធី Commcenter patch for iOS 7 ដំឡើងបានពី Cydia
ចំណាំ: ពេលដំឡើងកម្មវិធី Commcenter ហើយ ហាមលុបវាវិញ ជាដាច់ខាត បើមិនដូច្នោះទេ នោះទូរស័ព្ទរបស់លោកអ្នក នឹងមិនស្គាល់សេវានោះទេ ទាល់តែដំឡើងវាវិញ ទើបស្គាល់សេវា

វីដេអូពីរបៀបអនុវត្ត:

វិធីអនុវត្តន៍:

1. ដំឡើងកញ្ចប់ iFile: ជាដំបូង សូមបើកកម្មវិធី​ Cydia ហើយចូលទៅ Search រួចវាយពាក្យ iFile ក្នុងប្រអប់រាវរក។ ចុចលើកញ្ចប់ iFile-> Install-> Confirm ដើម្បីដំឡើង រួចចុចប៊ូតុង Return To Cydia។


2. ដំឡើងកញ្ចប់ Commcenter Patch for iOS 7: សូមបើក Cydia ហើយចូលទៅ Manage-> Source-> Edit-> Add រួចវាយ http://repo.biteyourapple.net រួចចុច Add Source-> Add Anyway ដើម្បីបន្ថែម repo នេះ ចូល Cydia។ បន្ទាប់មក ចុច Return to Cydia។


បន្ទាប់មក ចូលទៅ Search រួចវាយពាក្យ CommCenter patch for iOS 7 ក្នុងប្រអប់រាវរក រួចចុចលើកញ្ចប់ពាក្យ CommCenter patch for iOS 7-> Install-> Confirm-> Restart Springboard ដើម្បីដំឡើងវា។


3. កែ Carrier.plist: ត្រឡប់មក Home Screen រួចបើកកម្មវិធី iFile។ រួចចូលទៅទីតាំង /System/Library/Carrier Bundles/iPhone/Default.bundle។

រួចរកឯកសារមួយឈ្មោះ carrier.plist។ ចុចលើ ឯកសារនេះអោយយូរ រួចរើសយក Property List View បន្ទាប់មក រំកិលចុះក្រោម រកពាក្យ SupportsSupplementaryService ហើយបើកវាទៅ ON រួចចុច Done ហើយចុចប៊ូតុង Home ដើម្បី ត្រឡប់មក Home Screen វិញ។

បន្ទាប់មក បើក iFile ម្តងទៀត ហើយប្រាកដថា អ្នកកំពុងនៅក្នុងថត /System/Library/Carrier Bundles/iPhone/Default.bundle។ ម្តងនេះ ចុចលើ ឯកសារមួយឈ្មោះ carrier.pri ហើយចុច ប៊ូតុង Cancel វិញ។ ចុចប៊ូតុង Home ដើម្បី ត្រឡប់មក Home Screen វិញ។

4. Reboot ម៉ាសីុន ដោយចុចប៊ូតុងបិទទូរស័ព្ទអោយយូរ រួចរើសយក slide to power off ដើម្បីអោយ ការកែប្រែយើង មានប្រសិទ្ធភាព។ បើកទូរស័ព្ទឡើងវិញ ហើយចូលទៅ កម្មវិធីវាយលេខទូរស័ព្ទ ហើយវាយ លេខកូដ ឆែកទឹកប្រាក់ នោះវា នឹងដំណើរការមិនខាន៕
ចំណាំ: ត្រូវតែ Reboot ម៉ាសីុនម្តង ទើបការធ្វើរបស់យើង មានប្រសិទ្ធភាព