Smart ចាប់ផ្តើមបើកអោយប្រើប្រាស់ប្រព័ន្ធ 4G ហើយ! ~ ចំនេះដឹងអំពីបចេ្ចកវិទ្យាសម័យថ្មី

Smart ចាប់ផ្តើមបើកអោយប្រើប្រាស់ប្រព័ន្ធ 4G ហើយ!

Published on 12:45 PM

Smart ចាប់ផ្តើមបើកអោយប្រើប្រាស់ប្រព័ន្ធ 4G ហើយ!

អត្ថបទនេះដកស្រង់ពី Cambo Report

តើអ្វីទៅគឺជាប្រព័ន្ធ 4G? ប្រព័ន្ធ 4G គឺជាបច្ចេកវិទ្យា តភ្ជាប់បណ្តាញអ៊ីនធឺណែតតាមរយៈស៊ីមកាត ដែលមានល្បឿនលឿនបំផុត រហូតទៅដល់ 150mb/s លឿនជាង 3G ដល់ទៅ 20 រឺក៏ 40 ដងឯណោះ។ បច្ចេកវិទ្យាមួយនេះ ត្រូវបានបង្កើតតាំងពីឆ្នាំ 2006 មកម្ល៉េះ ប៉ុន្តែមកដល់ពេលនេះ វានៅមិនទាន់ មានប្រើប្រាស់ នៅគ្រប់ប្រទេសនៅឡើយទេ។

ឥលូវនេះ ប្រជាជនខ្មែរយើង អាចប្រើប្រាស់ប្រព័ន្ធ 4G LTE បានហើយ ដែលវាផ្គត់ផ្គង់ដោយក្រុមហ៊ុន Smart Mobile។ ជាមួយនឹងបច្ចេកវិទ្យា 4G LTE ដែលផ្តល់ជូនដោយក្រុមហ៊ុន Smart Mobile នេះ គឺវាអាចមានល្បឿនអ៊ីនធឺណែត រហូតទៅដល់ 38mb ក្នុងមួយវិនាទីឯណោះ ដែលសូម្បីតែខ្សែរ Cable Optic ក៏មិនមានសមត្ថភាពដល់ផង។

តើធ្វើយ៉ាងដូចម្តេចទៅដើម្បីប្រើប្រាស់ ប្រព័ន្ធ 4G LTE នេះបាន?

ទូរស័ព្ទរបស់អ្នក ត្រូវតែអាចប្រើប្រាស់ប្រព័ន្ធ 4G បាន ដែលមានដូចជា ស៊េរី LG ថ្មីៗ, Galaxy Note 3, Nokia 625, iPhone និងទូរស័ព្ទមួយចំនួនទៀត។
សូមទៅកាន់ Smart Store ណាមួយដែលនៅជិតអ្នក ហើយសូមបើកស៊ីមថ្មី ដែលជាប្រភេទ 4G LTE
សូមចុច *999*1# ដើម្បីដំណើរការគម្រោង 4G LTE របស់អ្នក។

តើអ្នកត្រូវចំណាយទឹកប្រាក់ប៉ុន្មានទៅ ដើម្បីភ្ជាប់ទៅកាន់គម្រោងមួយនេះ?

សម្រាប់ការចំណាយ ក្នុងការភ្ជាប់ទៅកាន់ប្រព័ន្ធ 4G LTE នេះ គឺត្រឹមតែ 5$ ប៉ុណ្ណោះ ក្នុងមួយខែ ដែលលោកអ្នកអាចទទួលបាន ទិន្នន័យដល់ទៅ 1GB ដោយឥតគិតថ្លៃ ហើយសម្រាប់ការប្រើប្រាស់លើសពីនេះ លោកអ្នកអាចប្តូរលុយលេងបានល្បឿនជាធម្មតា។

តើតំបន់ណាខ្លះទៅ ដែលអាចប្រើប្រាស់ជាមួយប្រព័ន្ធ 4G LTE នេះហើយ?

នេះគ្រាន់តែជាដំណាក់កាលដំបូងតែប៉ុណ្ណោះ ពោលសេវា 4G អាចប្រើប្រាស់បាននៅតំបន់មួយចំនួនគឺ៖

នៅម្តុំ Smart Store
ណាហ្គាវើល
ផ្សារទំនើបសុវណ្ណា
ផ្សារទំនើបរតនាផ្លាស្សា
DE Castle ទួលគោក
អាកាសយានដ្ឋានអន្តរជាតិភ្នំពេញ

សូមបញ្ជាក់ម្តងទៀតដែរថា បច្ចុប្បន្ននេះដើម្បីទទួលបានស៊ីមកាត 4G នេះបាន លោកអ្នកត្រូវយកស៊ីម Smart ចាស់របស់អ្នកទៅផ្លាស់ប្តូរ ចំណែកឯស៊ីមកាត 4G ដែលដាក់លក់ថ្មីត្រូវរង់ចាំរហូតដល់ថ្ងៃ 25 រឺក៏ 26។

តើលោកអ្នកមានគម្រោងចង់សាកល្បងប្រើប្រាស់នូវល្បឿន 4G LTE នេះដែរទេ? លោកអ្នកគួរសាកល្បងឥលូវនេះទៅ ព្រោះអីល្បឿនដល់ទៅ 20 រឺកី 30mb/s គឺខ្ញុំមិនដែលធ្លាប់បានជួបឡើយ។